शिक्षक संघ व्यासको अध्यक्षमा पौडेल र सचिवमा रुपा निर्वाचित
दमौली खबर संवाददाता
दमौली, माघ १४
नेपाल शिक्षक संघ व्यास नगरपालिको अध्यक्ष सत्यवती माविका निर्वमान प्रधानाध्यापक इन्द्रप्रसाद पौडेल निर्वाचित हुनु भएको छ । चौथो नगर अधिवेशनले पौडेललाई चयन गरेको हो । शनिबार गरिएको निर्वाचनमा पौडेल भारी मतान्तरले विजयी हुनुभएको थियो ।
कूल मतदाता छ सय ६२ रहेकोमा खसेको पाँच सय २६ मतमा पौडेलले तीन सय ६८ मत पाएर बिजयी हुनुभएको हो । उहाँका निकटम प्रतिद्वन्दी बलराम वाग्लेले १५३ मत पाउनुभएको थियो ।
त्यसैगरीमा सचिव पदकी उम्मेदवार रुपा घिमिरेले तीन सय ६८ मत पाएर विजयी हुनुभएको छ । उहाँका निकटतम प्रतिद्वन्दी बुद्धिबहादुर बरालीले एक सय ३७ मत पाउनुभएको निर्वाचन समितिका संयोजक हरिराज काफ्लेले जानकारी दिनुभयो । अन्य पदहरुमा भने सर्वसम्मत चयन भएको थियो ।
