तीन मुक्तक

दिन रात सेवामा जुट्ने हातहरू सॅग
तुलना नगर ,लुटेर खाने जमातहरूसॅग
इन्साफ गर्छ भने ,एकदिन ईश्वरले नै गर्छ
जोरी नखोज,सच्चा मेरा भावहरूसॅग ।।

दिनु र लिनुमा धेरै फरक छ
भन्नु र गर्नुमा धेरै फरक छ
चूपचाप बस्दा पनि राम्रो हुने केही कुरामा
तोड्नु र जोड्नुमा धेरै फरक छ।।

निरङ्कुश अघि बढ्न अरूलाई भर्याङ बनाउॅछ
सबैलाई दिएर खान्छु भन्छ,दिन आङ कन्याउॅछ
आफै मात्र लाएर खाएर कहिल्यै अघाउॅदैन
बदलामा जस आफै लिन्छ अरूमा दोष खन्याउछ ।।