भिरबाट लडेर भन्सारका आलेको मृत्यु
दमौली खबर संवाददता
दमौली, माघ १०
तनहुँको भानु नगरापालिका–१ भन्सार निवासी ५१ वर्षिय मनबहादुर आलेको भिरबाट लडेर मृत्यु भएको छ ।
घर नजिकैको सामुदायिक वनमा मङ्गलबार दिउँसो भिरमा लडेर मृत अवस्थामा भेटिएको इलाका प्रहरी कार्यालय भानुका प्रमुख रमेश विष्टले जानकारी दिनुभयो ।
सोमबार जङ्गलमा घाँस काट्ने क्रममा भिरबाट लडेर आलेको घटनास्थलमै मृत्यु भएको उहाँले जानकारी दिनुभयो । शव पोष्टमार्टमको लागि दमौली अस्पतालमा ल्याईएको घटनाको सम्बन्धमा अनुसन्धान भईरहेको प्रहरीले जनाएको छ । छंगाछुर भिर भएकोले उद्धार आलेको शव निकाल्न कठिन भएको विष्टले बताउनुभयो ।
