म्याग्देमा निशुल्क आँखा शिविर हुँदै
दमौली खबर संवाददाता
म्याग्दे फागुन ९
म्याग्दे गाँउपालिकाले निशुल्क आँखा शिविर संचालन गर्ने भएको छ ।
हिमालय आँखा अस्पताल पोखराको प्राविधिक सहयोग तथा गाँउपालिका र श्री सुर्य नेपाल प्रा.लि.को आर्थिक सहयोगमा निशुल्क आँखा शिविर संचालन हुने गाँउपालिकाका प्रमुख प्रशासकीय अधिकृत नारायण प्रसाद अधिकारीद्धारा जारी विज्ञप्तीमा भनिएको छ ।
शिविरमा आँखाको समान्य परिक्षण, उमेरका कारण नजिक नदेख्ने समस्या भएकाहरुको उपचार, मोतिविन्दु भएको ज्येष्ठ नागरिक विरामीको पहिचान र रिफर गरिनेछ ।
आँखा शिविर यहि फागुण १४ गते वडा नं ६ को वडा कार्यलयमा १५ गते मीन मावि थर्पु र १६ गते जामुने स्वास्थ्य चौकी जामुनेमा हुनेछ । शिविर विहान १० वजे देखि ५ वजेसम्म हुने गाँउपालिकाले जनाएको छ ।
