मनहरीको घटना प्रति गंभिर बनौं

आईतबार तनहुँमा घटेको घटना सनसनीपूर्ण रह्यो । म्याग्दे गाउँपालिका ४ मनहरि स्थित खानेपानीको ट्यांकीमा आइतबार महिलाको लाश सडेगलेको अवस्थामा शव भेटिएको घटना अचम्मको किसिमको थियो । घटना रहस्यमयी छ । यदी कसैले हत्या गरेर पानीको ट्यांकीमा फालिएको हो भने जघन्य अपराध हो । कसैको जीवन नै जानु दुःखत हो नै त्यसपछि सयौं उपभोक्ताले उपभोग गर्ने खानेपानीको ट्यांकीमा फालिनु झन् बढी नराम्रो कुरा हो । आत्महत्या गरेको भएपनि मर्ने त म¥यो नै सयौं मान्छेलाई प्रभावित पार्नु दुःखत हो । एक सय ३८ घरधुरीले प्रयोग गर्ने पिपलटार खानेपानी उपभोक्ता समूहको खानेपानी ट्याकीभित्र सडेगलेको अवस्थामा कसरी रह्यो त्यसको गंभिर भएर अनुसन्धान गरिनु पर्दछ । घटनास्थल जिल्ला प्रहरी कार्यालय तनहुँका प्रमुख प्रहरी उपरीक्षक अवदेश विष्ट क्षेत्री नै पुग्नु भएकाले प्राथमिकता दिएको देखिन्छ । पोखरा निवासी महिला शव फरक ठाउँमा फेला पार्नुले घटना रहस्यमयी देखिन्छ । मानिसको शव ट्यांकी भेटिएकाले उपभोक्ताले सफा गरेर, निर्मलीकरण गरेर वितरण गरेपनि खाने अवस्था छैन । उपभोक्ताको मनोविज्ञानमा आत्मसाथ गर्दै पानीको बैकल्पिक प्रयोगको लागि सबैले ध्यान दिनु पर्दछ । प्रतिनिधी सभा सदस्य शंकर भण्डारीले आफ्नो क्षेत्रका जनतालाई परेको मर्काको बारेमा ध्यान दिँदै पाईपको लागि पहल गर्नु राम्रो कुरा हो । जनतालाई छिटो भन्दा काकाकुल जीवनबाट मुक्त बनाउन सबैले ध्यान दिनु पर्दछ ।