डायलाईसिस केन्द्र दमौली अस्पताललाई हस्तान्तरण

दमौली खबर संवाददाता

तनहुँ, कात्तिक २३,

     शत्रुघ्न मन्जु डायलासिस केन्द  दमौली अस्पतालाई हस्तान्तरण गरिएको छ  । सञ्चालन भएको सात वर्षपछि केन्द्र अस्पतालाई हस्तान्तरण गरिएको छ । राष्ट्रिय मिर्गौला उपचार केन्द्र काठमाडौंले २०७२ साल मङ्सिरमा सो अस्पतालमा डायलाइसिस सेवा सुरूवात गरेको थियो ।

बुधबार एक कार्यक्रमको आयोजना गरी राष्ट्रिय मिर्गौला उपचार केन्द्रले उपकरण, कर्मचारीसहित डायलाइसिस सेन्टर अस्पताललाई हस्तान्तरण गरिएको छ । कार्यक्रममा केन्द्रका कार्यकारी निर्देशक डा. ऋषिकुमार काफ्लेले अस्पतालका अध्यक्ष देवेन्द्र थापालाई स्वामित्व हस्तान्तरण गर्नु भएको थियो । दमौली अस्पताल पोखरा पछि सबै भन्दा धेरै विरामी आउने अस्पताल भएकोले विशिष्टीकृत सेवा प्रदान गर्न तत्कालै क्षमता विस्तार गर्न पर्ने अध्यक्ष थापाले बताउनुभयो  । अध्यक्ष थापाले १५ बेड क्षमताको भएकोले जिल्ला स्तरको अस्पताल नगर स्तरको पनि नभएकोले क्षमता विस्तारको लागि काम प्रदेश सरकारलाई अघि बढाउन आग्रह गर्नुभयो  । कार्यक्रममा गण्डकी प्रदेशका स्वास्थ्य तथा जनसङ्ख्या मन्त्रालयका सचिव विश्वबन्धु बगालेले डायलाइसिस सेन्टर सञ्चालन गर्न समक्ष बनाउनेको लागि प्रदेश सरकारले आवश्यक सहयोग गर्ने बताउनुभयो  । राष्ट्रिय मृगौला केन्द्रको सहकार्यमा डायलाईसिस तालिम केन्द्र दमौली अस्पताललाई बनाउनु पर्ने बगालेले बताउनुभयो । साथै उहाँले एक डायलाइसिस मेसिन प्रदेशले दिने बताउनुभयो । पूर्वमन्त्री शङ्कर भण्डारीले प्रयासले  दमौली अस्पतालमा केन्द्र स्थापना गरिएको थियो ।