हत्या तथा गुण्डागर्दीका आरोपित भुजेल प्रहरी नियन्त्रणमा
दमौली खबर संवाददाता
दमौली, फागुन ९
तनहुँमा हत्या तथा गुण्डागर्दी गरेको आरोपमा गोरखका एक युवकलाई प्रहरीले नियन्त्रणमा लिएको छ ।
गोरखाको पालुङटार–५ घर भएका ३३ वर्षी मधुराम भुजेल ‘गैडे’ पक्राउ परेका हुन् । भुजेलले मङ्सिर १२ गते राति तनहुँको आबुँखैरेनी गाउँपालिका तल्लोबजारस्थित आबुँखैरेनी–गोरखा सडकखण्डमा विष्णुप्रसाद जोशीलाई धारिलो हतियार प्रहार गरेका थिए । ज्यान मार्ने उद्योग गरि फरार भएका भुजेललाई सोमबार प्रहरीले पक्राउ गरेको हो ।
भुजेलले स्थानीय व्यापारीलाई पनि गुण्डागर्दी शैलीमा दुःख दिने गरेको प्रहरीले जनाएको छ । उनलाई तनहुँ जिल्ला अदालतबाट म्याद थप गरि थप अनुसन्धान भइरहेको प्रहरीले जनाएको छ ।
