मोटरसाइकल चोरी गर्ने व्यक्ति पक्राउ
दमौली ।
तनहुँ प्रहरीले मोटर साईकल चोरी गर्ने एक व्य्िक्तलाई पक्राउ गरेको छ । व्यास नगरपालिका ५ सागे काउराको भट्टी बस्ने हर्कमान सुनारले पार्किङ गरी राखेको मोटरसाइकल चोरी गर्ने व्यक्तिलाई प्रहरीले सोमबार पक्राउ गरेको हो । सुनारको ग १७ प ५०१ नम्बरको मोटरसाइकल चोरी गर्ने सोही ठाउँका १८ वर्षीय कमल कुमाललाई पक्राउ गरिएको जिल्ला प्रहरी कार्यालय तनहुँका प्रहरी निरीक्षक नरहरि अधिकारीले जानकारी दिनुभयो । व्यास नगरपालिका ५ पाटनमा मोटरसाइकल सहित फेला पारी ति व्यक्तिलाई पक्राउ गरिएको उहाँले जानका्री दिनुभयो । नियन्त्रणमा लिएका ति व्यक्तिलाई मंगलबार तनहुँ जिल्ला अदालतबाट ७ दिनको म्याद थप गराएर अनुसन्धान भइरहेको प्रहरीले जनाएको छ ।
