विपन्न विद्यार्थीलाई न्यानो कपडा सहित शैक्षिक सामाग्री
एलायन्स क्लब अफ तनहुँले व्यास नगरपालिका वडा नम्बर ५ चिन्तुटारमा रहेको शुक्र आधारभुत विद्यालयमा अध्ययनरत विपन्न वर्गका विद्यार्थीलाई न्यानो कपडा सहित शैक्षिक सामग्री वितरण गरेको छ । क्लबले विद्यार्थीहरुलाई शैक्षिक, खेलकुद सामाग्रीका साथै न्यानो कपडा वितरण गरेको हो । क्लबले विद्यालयमा अध्ययनरत विपन्न तथा जेहेन्दार विद्यार्थीहरुलाई ३ सय २० थान कपी, १ सय थान कलम, ३ सय थान मास्क, २ थान ब्याडमिन्टन, १ थान फुटबलका साथै २१ थान सुईटर प्रदान गरेको छ ।
केहि समय अगाडि दमौलीमा स्थापना भएर तनहुँमा सक्रिय सामाजिक संस्थाको रुपममा चिनिदै आएको छ । अन्तर्राष्ट्रिय स्तरमा नै सर्भ एन्ड केयर भन्ने नाराले स्थापित यस संस्थाले निकट भविष्यमा पनि शिक्षा, स्वास्थ साथै अन्य सामाजिक क्षेत्रमा आफ्नो कामलाई अघि बढाउने क्लबकी अध्यक्ष जमुना जोशीले बताइन् । निकट भविश्यमा थप कार्यक्रमका योजनाहरु समुदायमा लैजाने तयारी भईरहेको एलायन्स क्लव अफ तनहुँका सचिव सुदिप पौडेलले जानकारी दिए । क्लबले प्रदान गरेको सामाग्रीबाट करिब १ सय जना विद्यार्र्थी लाभान्वित भएका छन् ।
